繪本童樂 Kadey Jadey | 貨櫃屋裡的繽紛童話，大人小朋友擁有童心盛夏⋯⋯

「公仔書比小朋友睇架姐！」有一個人，一直努力經營着一個地方嘗試說服你並不是的。

繪本—是個能讓大人和小朋友同樂的樂園。

這個地方就是「繪本童樂」，位於觀塘海濱旁的貨櫃小屋，温暖明亮的黃燈，保護着一本本顏色鮮艷的繪本，每本繪本都像一個世界。捍衛着這一個個繽紛世界的Fred，本身只經營網店，四年前，偶然租下了這間聽到海浪聲的小屋，開始營業實體的繪本書店。用他的用語，就是個「對佢好彩，但對生意唔好彩」的決定。

「好彩」是因為他實現了一間實體書店的價值，Fred相信「小朋友走入嚟睇書、揭書，嗰份喜悅和好奇心 」是所有網店、樓上書店不能取代的，Fred坦言因為這份信念才「捱」到依家。

要「捱」，是因為販賣童夢的人可不是活在童話裏。

筆者同在小書店打工，深知書店生意可以有多蕭條，訪問時問Fred「今日生意點」，他尷尬地笑了笑、搖搖頭，「成日得50蚊」。

「從生意、錢的角度睇，書店並唔值得做」Fred頹言，開關後，家庭有太多親子活動的選擇，不僅繪本營業額大跌，連活動的反應也相對冷淡。

「捱」又好、「撐」又好，繼續落去，只因Fred相信「一本好睇嘅書，對小朋友一生，可以有好大威力！而呢樣嘢錢係買唔到嘅」。縱然偶有頹喪，Fred仍堅守着，希望以好看的繪本，啟發小朋友從小養成閱讀習慣。

「最希望嘅，只係小朋友覺得本書好睇」

繪本童樂所揀選的繪本，往往不是最大路、最暢銷的品德教育書籍，「嗰啲好賣呀，但唔好睇嘛！」Fred笑言，他誠意滿滿地推介着一本以「疾病」做主題的繪本，故事關於一個家庭如何共同面對疾病，最後他笑着總括「呢本好睇，但唔好賣。」

和父母一起經歷一個好看的故事，會使小朋友一輩子都記得，Fred深信着：「小朋友唔會記得同你玩ipad，但會好記得臨瞓時，父母同佢哋講嘅故事、一齊揭個本書。」

一本五分鐘就揭完的繪本，售價可能一二百元，Fred承認「係唔便宜架」，反問買回去後，小朋友隨時「攞上手再睇多次」，難道這不值兩杯咖啡的價錢嗎？

世界沒有太多童話，但總存在捍衛着童心的真實故事。

撰文及攝影：Song

---

繪本童樂
KADEY JADEY

店舖地址 /
觀塘海濱道90號海濱花園發現號02
(港鐵牛頭角站B6出口步行6分鐘)

營業時間 / 
星期二至五 │ 中午12時至晚上7時　
星期六及日 │ 下午3時至晚上7時　　
(逢星期一休息)　　

聯絡電話 /
6217 9536

instagram /  @kadeyjadey
facebook /  Kadey Jadey 繪本童樂
website / kadeyjadeybook.com